Duogáš

Fortum Artis lea ráhkadan oahpahus- ja kulturministeriija bargogohččosa vuođul dáidda- ja kultursuorggi ehtalaš rávvagiid suorggi siskkáldas stivrema várás 1.8.2021-31.12.2022. Rávvagiid vuolggasadjin lea, ahte buohkat geat doibmet suorggis, čuvvot dárbbašlaš láhkaásaheami mii laktása guđege dáhpáhussii, ovttasbargui dahje dáiddaduodjái. Deháleamos lágat gávdnojit gaskasiiddus Liŋkkat.

Rávvagat gieđahallet válljejumiid maid galgá vihkkedallat ehtalaččat ja sierra oassebeliiguin meannudeami. Rávvagiidda leat laktojuvvon liŋkkaiguin buot ráhkadeaddjiid dihtui boahtán ehtalaš rávvagat, mat leat dáiddasuorggis geavahusas ja mat leat maiddái geavahuvvon rávvagiid ráhkadeamis.

Ehtalaš rávvagat ja earát dasa gullevaš dokumeanttat leat gaskasiiddus Liŋkkat.

Ráhkadeami áigge vuhtiiváldojuvvon oassebealit gávdnojit siidduin Jearahallon oassebealit.

Rávvagat leat oaivvilduvvon ovddalgihtii eastadeapmái ja buriid geavadagaid ráhkadeami veahkkin. Čállimiin vejolaš váttisvuođaid ja hástalusaid geahččalit lasihit dieđu ja nannet buori doaimma. Seammás geahččalit hukset šalddiid sierra doibmiid, dáiddasurggiid, sohkabuolvvaid, álbmotjoavkkuid ja buot eará dáidaga dahkamii oassálasti joavkkuid gaskan.

Dál almmustahtton rávvagat leat pilohttaveršuvdna ja vuosttas jagi (2023) áigge čoaggit vásáhusaid, geahččalit heivvolašvuođa ja čohkket vejolaš nuppástusdárbbuid.

Barggus veahkehii teologiija studeanta Juho Peura ja stivrenjoavku:

Virpi Hämeen-Anttila, ságadoalli, Forum Artis
Hanna Fontana, bargiidhoavda, Suomen kansallisooppera ja -baletti
David Kozma, neavttár ja bagadalli
Aura Lehtonen, jurista, Suomen Taiteilijaseura
Henrik Rydenfelt, geavatlaš filosofiija ja gulahallama doseanta, Helssega universitehta
Jenni-Juulia Wallinheimo-Heimonen, tekstiila- ja doabadáiddár

Fuomášumiid ja lasáhusaid liŋkkaide sáhttá sáddet Forum Artisii šleađgapoasttain hanna.kosonen@forumartis.fi